دورة فوركس - تجارة العملات في مصر - تجارة الفوركيس - forex trade - منتدى فوركس مصر - فوركس برو
في أكتوبر في واحد من أشهر المطاعم في مصر (مؤمن)
كنت واقف أجيب ساندوتش
دخل طفل صغير عنده حوالي 8 سنين لابس لبس متسخ
ودخل بكل أدب للراجل بتاع الكاشير وقاله ممكن يا عمو لو سمحت شوية
بطاطس لاني جعان ؟الكاشير بص له بقرف وقاله اطلع برا وطرده من المطعم .
الطفل حط وشه في الأرض ومقلش ولا كلمة
ودموعه نزلت قدامنا كلنا وطلع قعد ع الرصيف يعيط
واحد من الشباب اللي كانوا في المطعم فضل يتابع الموقف وقعد يبص للطفل اللي اتكسر خاطره وخرج من المطعم ورجع والطفل
في ايده ومسك قائمة الطلبات وقاله اطلب الساندوتش اللي انت
عاوزه الطفل قاله : لا انا عاوز بس شوية بطاطس الشاب أصر
إن الطفل ياخد ساندوتش وجاب له من الحجم الكبير ومعه بطاطس
وبيبيسي وقعده ع الترابيزة اللي قصاد الكاشير اللي زعق له
الولد دموعه فضلت تنزل بس المرة دي دموع فرح
كل الناس في المطعم كانوا مبسوطين والموقف ده أداني أمل
إن الدنيا لسه بخير بالرغم من وجود ناس لسه عندها عقدة العنجهية
والطبقية والتعالي والتكبر على خلق الله
لسه في ناس بتعمل كل شيء لوجه الله عزوجل
نسأل الله عزوجل أن يجازي الشاب على عمله الطيب مع الطفل
وأن يهدي كل النفوس المريضة اللي شايف الناس مخلوقة من
طين وهم مخلوقين من طين تاني خالص
ليست هناك تعليقات:
إرسال تعليق